Ulu öndər Heydər Əliyevin anadan olmasının 94-cü ildönümünə həsr olunmuş İdman Festivalı keçirildi
28 aprel 2017-ci il tarixdə Nizami rayon Ərəstun Mahmudov adına 220 nömrəli məktəb-liseydə TOPs layihəsi çərçivəsində ulu ondər Heydər Əliyevin anadan olmasının 94-cü ildönümünə həsr olunmuş İdman Festivalı keçirilmişdir. Festivalda 150 – yə yaxın ibtidai sinif şagirdləri iştrak edirdi. İnklüziv sinifin də qatıldığı İdman bayramında uşaqlar şən, təhlükəsiz idman oyunları ilə yarışaraq öz bacarıqlarını nümayiş etdirmiş, bədii incəsənət və rəqs nömrələri ilə çıxışlar etmişlər. Xatırladaq ki, 220 nömrəli məktəb həmçinin TN – nin “İbtidai təhsil səviyyəsi üzrə inklüziv təhsilin tətbiqi” layihəsinin iştirakçılarından biridir. Maraqlı məqamlardan biri də şagirdlərin valideyinlərinin bu festivalda onlarla birgə iştirak edərək uşaqlara dəstək verməsi idi. “TOPs – fiziki tərbiyə üzrə müasir təhsil texnologiyasının yaradılması” layihəsi Təhsil Nazirliyi, British Council, Azərbaycan Dövlət Bədən Tərbiyəsi və İdman Akademiyası və “İnkişaf Naminə İdman” İctimai Birliyinin birgə əməkdaşlığı ilə həyata keçirilir. Layihənin məqsədi TOPs müasir təlim metodikası vasitəsi ilə Fiziki tərbiyə müəllimlərinin peşə bacarıqlarının artırılması, təhsilalanların təlim nailiyyətlərinin və psixoloji dayanıqlığın yüksəldilməsi məqsədi daşıyır. Məktəb liseyin ibtidai sinif və fiziki tərbiyə müəllimləri Gulyana Özcan, Həqiqət Behbudova, Firdanə Məmmədova, Siyatel İskəndərova, İnarə Qəniyeva , İlahə İsmayılova layihə çərçivəsində TOPs təlimlərindən müvəffəqiyyətlə keçərək sertifikatlara layiq görülmüşlər. Təlimdən sonra müəllimlər Açıq dərslər verərək və İdman Festivalları keçirərək şagirdlərdə erkən yaşlarından fiziki tərbiyə və idmana olan bağlılığı yaratmağa çalışmışlar. Festivalda”Qayğı” Saglam nəsil naminəictimai birlik nəzdində fəaliyyət göstərən Daun Sindromlu şəxslərin Reabilitasiya mərkəzinin mudiri Natella xanım Həsənova ,köməkçisi Zərifə Məmmədova iştirak edirdilər. Mərkəzin uşaqları gözəl rəqs nümunələri ilə festivala rəng qatdılar. Festivalda Azərbaycan Kapueyra federasiyasının və Təhsil Nazirliyinin 8 nömrəli olimpiya ehtiyatlarının uşaq-gənclər idman məktəbinin idmançıları iştirak edirdi. Festivalı Təhsil Nazirliyinin sektor müdiri Hilal Salmanov , Bakı Şəhəri üzrə Təhsil İdarəsinin Məktəbdənkənar fəaliyyət sektorunun müdiri Afiq Əzizov, British Council Azərbaycan təşkilatının direktor müavini Nigar Baimova, UNİCEF Azərbaycan təşkilatının nümayəndəsi Aida Ayilarova, Milli Olimpiya Komitəsinin üzvü , İnkişaf Naminə İdman təşkilatının sədri Mehman Kərimov, ağırlıq qaldırma üzrə Olimpiya çempionu Valentin Xristov ,TOPs layihəsinin rəhbəri Vəli Musayev izləyərək iştirakçıları sertifikatlarla təltif etmişlər.
