ZƏFƏR SEVİNCLİ SON ZƏNG!
Bu gün 220 saylı məktəb-liseydə SON ZƏNG tədbiri keçirildi. Tədbirdə Azərbaycan Respublikası Təhsil Nazirinin müavini Muxtar Məmmədov, Bakı şəhər Təhsil İdarəsinin müdir müavini Xəyalə Əhmədova iştirak etdilər.
Tədbir pandemiya rejimi qaydalarına uyğun şəkildə ,100 nəfər şagirdin iştirakı ilə keçirildi. Tədbirə Azərbaycan Respublikasının Dövlət Himni, şəhidlərin əziz xatirəsinin 1 dəqiqəlik sükutla yad edilməsi ilə başlandı.
Məktəbin direktoru Lətifə Əzimova çıxış edərək zəfər sevincli son zəng tədbirini açıq elan etdi, məktəbin bu ilki uğurları haqqında məlumat verdi, tədrisdə fərqlənən şagirdlərə fəxri fərman verildi. Azərbaycan Respublikası Təhsil Nazirinin müavini Muxtar Məmmədov çıxış edərək məzunları təbrik etdi, onlara gələcək həyatlarında uğurlar arzuladı.
Tədbir 11h sinfinin " Xarıbülbül " kompozisiyası ilə davam etdirildi.
Sonda son zəng çalınaraq məktəb 11-ciləri ilə vidalaşdı.
