“Zəfər bayramı” tədbiri keçirildi
Bu gün məktəbdə müəllim, şagird və valideynlərin iştirakı ilə “Zəfər bayramı” adlı tədbir təşkil olundu. Tədbiri məktəbin direktor əvəzi Lətifə Cəlilova açıq elan etdi və canlarını ölkəmizin ərazi bütövlüyü, suverenliyi uğrunda qurban vermiş şəhidlərimizin müqəddəs ruhları bir dəqiqəlik sükutla yad edildi. Daha sonra L.Cəlilova Azərbaycanın tarixinə qızıl hərflərlə yazılmış “Zəfər Günü” barədə şagirdlərə ətraflı məlumat verərək, bildirdi ki, vətən müharibəsində qəhrəman ordumuz cənab Ali Baş komandan İlham Əliyevin rəhbərliyi ilə yeni səhifə yazaraq, tariximizdə silinməz izlər buraxdı. Sonra şagirdlərin təqdimatında musiqi, şeir nümunələri, Zəfər gününü tərənnüm edən video-çarx təqdim olundu. Məktəbin müəllimi Nigar Hüseynovanın təşkilatçılığı ilə musiqili Zəfər bayramı tədbiri şagirdlərin vətənpərvərlik, vətənə məhəbbət ruhunda çıxışları ilə başa çatdı.