31 Mart Soyqırımı. Unutmadıq, unutmayacağıq!
Хalqımıza qarşı erməni millətçilərinin törətdiyi soyqırımı siyasətinin tariхi ХVIII əsrin əvvəllərindən başlayır. Həmin dövrdə torpaqlarını Cənubi Qafqaza doğru genişləndirməkdə olan çar Rusiyası ermənilərdən vasitə kimi istifadə edir, Qafqazda erməni milli dövləti yaradacağı vədi ilə onları şirnikləndirirdi. 1724-cü il noyabrın 10-da I Pyotrun adından verilmiş fərmanda ələ keçirilmiş torpaqlarda-Bakıda və başqa yerlərdə ermənilərin məskunlaşdırılması üçün hər cür şərait yaradılması nəzərdə tutulmuşdur. Ermənilər bu fürsətdən istifadə edərək, öz məkrli siyasətlərini həyata keçirmək, ölkəmizin tarixi ərazisində erməni dövləti qurmaq məqsədi ilə Azərbaycanın müxtəlif bölgələrində soydaşlarımıza qarşı dəhşətli qırğınlar törətmişdilər. Ermənilərin fasilələrlə, lakin düşünülmüş və planlı şəkildə davam edən soyqırımı siyasəti nəticəsində minlərlə günahsız azərbaycanlı vəhşicəsinə qətlə yetirilmiş, evləri yandırılmış, əmlakları qarət olunmuşdur.
Məktəbin 3 "B" sinif rəhbəri Fatimə Rüstəmli və şagirdləri sinif təşkilat saatında "31 Mart - Soyqırım Günü" mövzusunda təqdimat hazırlamışlar. V sinif şagirdləri isə məktəbin foyesində təşkil olunan 31 Mart soyqırımı qurbanlarının xatirəsinə həsr edilmiş sərgi guşəsinin önündə şeirlər səsləndirmiş, qərənfillər düzərək faciə qurbanlarının xatirəsini yad etmişlər.
