VIII və IX sinif şagirdlərinə monitorinq keçirildi
Fevralın 19-da Bakı Şəhəri üzrə Təhsil İdarəsinin müvafiq tapşırığına əsasən, məktəbdə VIII və IX sinif şagirdlərinin Ana dili, riyaziyyat və xarici dil fənləri üzrə 3-cü monitorinqi keçirilib.
Monitorinqdə şagirdlərin bilik və bacarıqlarını yoxlamaq məqsədilə tədris dili fənni üzrə 30, riyaziyyat fənni üzrə 25, xarici dil fənni üzrə isə 30 tapşırıq olmaqla ümumilikdə 85 tapşırıq təqdim edilib.
İmtahan bütün otaqlarda dinləmə mətninin səsləndirilməsi ilə başlayıb və 2,5 (150 dəqiqə) saat müddətində aparılıb.
Monitorinqdə nəzarətçi-müəllimlər məktəb rəhbərliyi tərəfindən qeyri-ixtisas fənlərindən təyin olunub.
İmtahan vaxtında yekunlaşıb və nəzarətçi-müəllimlər tərəfindən imtahanın şəffaf keçirilməsinə xüsusi nəzarət olunub.
