201 №-li tam orta məktəb

“Məktəb seminarları”nın növbəti sessiyaları Nizami rayonunun ümumi təhsil məktəbləri üzrə keçirilib.

Sessiyalarda Bakı Şəhəri üzrə Təhsil İdarəsinin (BŞTİ) müdiri Rəşad Tağıyev, BŞTİ-nin müvafiq struktur bölmə rəhbərləri, Təlimə Dəstək Mərkəzinin (TDM) nümayəndələri, məktəb direktorları, təlim-tərbiyə  və təşkilati işlər üzrə direktor müavinləri, uşaq birliyi rəhbərləri, Azərbaycan dili, Riyaziyyat və İngilis dili fənni üzrə metodbirləşmə sədrləri, məktəb saytlarını idarə edən şəxslər  iştirak ediblər.

“Məktəb seminarları” layihəsinin məktəb direktorları üçün keçirilən sessiyasında çıxış edən BŞTİ-nin müdiri Rəşad Tağıyev ümumi təhsil müəssisələrində təlim-tərbiyə prosesinin təşkili, səmərəli idarəetmənin rolunun artırılması, məktəbin imicinin formalaşdırılması, müəllimlərin peşəkar inkişafı, təhsil müəssisələrinin fəaliyyətinin və uğurlarının daha dolğun təbliği, dərsə davamiyyətin tənzimlənməsi və digər müvafiq məsələlərə toxunub.

R.Tağıyev “Məktəb seminarları” layihəsinin əhəmiyyəti və qarşıda duran vəzifələrin həlli yolları barədə fikirlərini bildirib, məktəb direktorlarını maraqlandıran məsələlərə aydınlıq gətirib.

Müxtəlif sessiyalarda ümumi təhsil məktəblərində təmayülləşmə, keyfiyyətə nəzarət işi, təlim keyfiyyətinin artırılması istiqamətində səmərəli yanaşmalar, təlimdə keyfiyyətin artırılması üsul və  formaları, müəllim-valideyn münasibətləri, tərbiyə işinin təşkili, məktəb saytlarının idarəolunması, fəaliyyətdə səmərəliliyinin artırılması, təhsil müəssisələrinin həyatındakı yeniliklərin ictimaiyyətə daha operativ çatdırılmasının təmin olunması və digər müvafiq mövzularda çıxış ediblər.

Sessiyalarda qeyd olunan məsələlərlə bağlı təklif və tövsiyələr səsləndirilib. Müvafiq məsələlər ətrafında müzakirələr aparılıb.

Qeyd edək ki, “Məktəb seminarları”nın keçirilməsinin əsas məqsədi Təhsil Nazirliyinin müvafiq əmri ilə təsdiq olunmuş Fəaliyyət Planından irəli gələn məsələlərin ümumi təhsil məktəbləri tərəfindən səmərəli icrasını və təhsildə keyfiyyətin daha dayanıqlı olmasını təmin etmək, həmçinin ümumi təhsil sahəsində müasir dövrün çağırışlarına əsaslanmaqla inkişafı şərtləndirən keyfiyyət dəyişikliklərinə nail olmaq, bu prosesdə BŞTİ-nin və tabeliyindəki ümumi təhsil məktəblərinin pedaqoji kollektivlərinin imkanlarını səfərbər etməkdən ibarətdir. 

18 oktyabr 2019-cu il tarixində Azərbaycan Respublikasının Milli Müstəqilliyi Günü münasibəti ilə məktəbimizdə “Müstəqil Azərbaycan!” adlı tədbir keçirildi. Tədbirdə məktəbin direktor əvəzi Nəriman Vəliyev, müəllimlər, şagirdlər və valideynlər də iştirak etdi.

Tədbirdə həm qonaq qismində, həm də iştirakçı kimi 13 nömrəli musiqi məktəbinin müəllim və şagirdləri də iştirak etdi. Tədbiri açıq elan edən aparıcılar İmaməlizadə Nahid (10^”B”), Məmmədli Xanım (8^”C”) çıxış üçün sözü məktəbin uşaq xoru və “Gənc ədəbiyyatçılar” dərnəyi üzvlərinə verdi. Dərnək üzvü Fətulla Zeynalov(8^”C”) və Cavid Rəhmanın  ifaları tədbir iştirakçılarının ürəyincə oldu. Hazırlanmış video materiala baxışdan sonra Süleymanlı Öfelyanın (9^”B”) və Əliyeva Aysunun (8c) gözəl rəqsləri tədbirə xüsusi rəng qatdı.

 Aparıcıların məlumatından sonra hazırlanmış video görüntü nümayiş olundu. Şagirdlərdən Ramazanlı Zöhrə (2^”R”) və Zeynallı Turanın (9^”A”) çıxışı da tədbir iştirakçıları tərəfindən bəyənildi. 13 nömrəli musiqi məktəbinin skripka müəlliminin müşayəti ilə gənc skripkaçılar möhtəşəm çıxış etdilər.

Tədbir digər şagirdlərin hazırladığı bir-birindən maraqlı, baxımlı çıxışları ilə sona şatdı. Sonda məktəbin Tərbiyə işləri üzrə direktor müavini Elnurə Ramazanova tədbir iştirakçılarını Azərbaycan Respublikasının Milli Müstəqilliyi günü münasibəti ilə təbrik edərək,  tədbirin hazırlanmasında zəhməti olan Gənc ədəbiyyatçılar dərnəyinin (dərnək rəhbəri Afət Xəlilova) və uşaq xoru dərnəyinin rəhbəri (Samirə Verdiyeva) rəhbərlərinə təşəkkürünü bildirdi, sonra isə sözü məktəbin məktəbin direktor əvəzi Nəriman Vəliyevə verdi.

Nəriman müəllim Milli Müstəqilliyi Günü münasibəti ilə hamını ürəkdən təbrik edərək, tədbir iştirakçılarına, 13 nömrəli musiqi məktəbinin direktoru Tofiq müəllimə və müəllimlərinə əməkdaşlıq etdiklərinə görə öz təşəkkürünü bildirdi.

Sonda Nəriman Vəliyev həmin musiqi məktəbi ilə əməkdaşlığın davam etməsini arzuladı. Bildirdi ki, digər tədbirlərdə də yəqin ki, fəal iştirak edəcəklər.

Bakı Şəhəri üzrə Təhsil İdarəsinin tabeliyindəki ümumi təhsil müəssisələrində 9 noyabr-Dövlət Bayrağı Günü ilə əlaqədar tədbirlər keçirilib.

Belə ki, təhsil müəssisələrində məktəbliləri milli-mənəvi dəyərlərə, dövlət atributlarına hörmət və Vətənə məhəbbət ruhunda tərbiyə etmək, onlarda vətənpərvərlik hissini yüksəltmək məqsədilə Dövlət Bayrağı Gününə həsr olunan konfrans, ədəbi-bədii gecə, mühazirə, disput və “Dəyirmi masa”lar təşkil edilib. Eləcə də təhsil müəssisələrində dövlət atributlarına aid fotostendlər hazırlanıb, məktəblilər arasında rəsm, bədii qiraət, inşa yazı müsabiqələri, idman yarışları  keçirilib, şagirdlərin əl işlərindən ibarət sərgilər təşkil olunub.  

“Dalğalanan Bayraq”, "Mənim bayrağım", "Bayraq mənliyimdir", “Bir kərə yüksələn bayraq bir daha enməz!”, “Bayrağımız baş tacımız”, “Qarabağda dalğalan, bayrağım”, “Bayrağımız  qürur  mənbəyimizdir!”, “Mənim bayrağım ən gözəl bayraqdır” və digər mövzularda təşkil olunmuş tədbirlər Azərbaycan Respublikasının Dövlət himninin səsləndirilməsi ilə başlayıb. Tədbirlərdə bayrağımızın yaranma tarixi, ulu öndər Heydər Əliyevin Dövlət bayrağı haqqındakı fikirləri, Azərbaycan bayrağının şanlı tarixi haqqında geniş məlumat verilib. Bildirilib ki, ölkə başçısının 17 noyabr 2009-cu il tarixli Sərəncamı ilə təsis edilən Dövlət Bayrağı Günü müqəddəs bayrağımıza, tarixi keçmişimizə və mənəvi-siyasi dəyərlərimizə dövlət səviyyəsində olan diqqət və ehtiramın ən yüksək göstəricisidir.

Çıxış edənlər Dövlət Bayrağı Gününün bütün azərbaycanlılar tərəfindən qeyd edilməsini milli birliyin nişanəsi adlandırıb, şagirdlərə uğrunda minlərlə Vətən övladının canından keçdiyi bayrağımızı uca tutmağı tövsiyə ediblər.

Həmçinin Ali Baş Komandan İlham Əliyevin rəhbərliyi altında tezliklə torpaqlarımızın düşmən işğalından azad ediləcəyinə, üçrəngli bayrağımızın doğma Qarabağımızın hər bir guşəsində dalğalanacağına əminlik bildirilib.

Tədbirlərdə şagirdlər bayraq, vətənpərvərlik mövzusunda şeirlər söyləyib, mahnılar ifa edib və ədəbi-bədii kompozisiyalar nümayiş etdiriblər.

26 sentyabr 2019 cu-il tarixində İcərişəhər Tarix Diyarşünasliq muzeyinə ekskursiya olmuşdur.

Ekskursiyada məktəbdən 60 nəfər VII və VIII sinif sagirdləri, 3 nəfər müəllim və məktəbin tərbiyə işləri üzrə direktor müavini Elnurə Fərhad qızı Ramazanova da iştirak etmişdir.

Şagirdləri Qız qalasının önündə qarşılayan bələdçi Səidə xanım şagirdlərə geniş məlumat verdi. Şagirdlər 2 hissəyə bölünərək Qız qalası abidəsinə, sonra isə Şirvanşahlar sarayına ekskursiya etdilər. Ekskursiya şagirdlərin ürəyincə oldu. Şagirdlər bu ekskursiyadan cox yararlandılar. Belə ekskursiyalar şagirdlərin dünyagörüşünün formalaşmasında tarixi, dəyərlərimizin qorunması istiqamətində müsbət rol oynayır.

Ekskursiyanın sonunda məktəbin Tərbiyə işləri üzrə direktor muavini E. F. Ramazanova  şagirdlər adından, məktəb direktoru N. N. Vəliyev öz adından ekskursiyanın təşkilatçılarına, bələdçiyə öz təşəkkürünü bildirdi. 

18 sentyabr Milli musiqi günü münasibəti ilə məktəbdə “Musiqisiz həyat yoxdur!” adlı tədbir keçirildi.Tədbir məktəbin əsas korpusunun foyesində baş tutdu. Tədbirdə iştirakçı qismində V-IX siniflərdən 18 nəfər, tamaşaçı qismində isə V-X siniflərdən 34 nəfər şagird iştirak etdi.

Foye Milli musiqimizin yaradıcısı Ü.Hacıbəylinin,Sönməz Ulduzların və Ü.Hacıbəylinin əsərlərinin rəsmlərindən ibarət stendlərlə bəzədilmişdi. Tədbiri açıq elan edən məktəbin Tərbiyə işləri üzrə direktor müavini Elnurə Ramazanova çıxış üçün sözü məktəbin musiqi müəllimi Samirə Verdiyevaya verdi.

S.Verdiyeva elə ilk sözündən sonra şagirdlərə sualla müraciət edərək Azərbaycan Respublikasının Dövlət Himninin kimə aid olduğunu soruşdu. Şagirdlər bir ağızdan Ü.Hacıbəyliyə deyə cavab verdilər. Dərhal Azərbaycan Respublikasının Hövlət Himni səsləndi.

Sonra S.Verdiyeva müəyyən məlumatlar verdi.

Şagirdlərdən VI”^D” sinif şagirdi Kazımzadə Nurayın qanunda ifası xüsusi ilə fərqləndi. Şagirdlər hazırladıqları referatları təqdim etdikdən sonra VII”^C” sinif şagirdi Cavidin tarda “Azadlıq Marşı” ifası çox xoş təsir bağışladı.

Diskussiya xarakterli çıxışlardan sonra X”^C” sinif şagirdi Salmanova Gülnarənin ifasında “Gülçöhrənin ariyası”səsləndi. Uşaq xoru üzvlərinin VI”^C” sinif şagirdi Hüseynli Ümid və Fətullanın ifası ilə tədbir başa çatdı.