Valideynlərlə görüş keçirilib
25 noyabr 2019-cu il tarixində valideynlərlə görüş keçirilib.Görüşdə məktəb rəhbərliyi, IX siniflər üzrə sinif rəhbərləri və valideynlər iştirak ediblər.Görüşün keçirilməsində məqsəd 18 oktyabr 2019-cu il tarixində Bakı Şəhəri üzrə Təhsil İdarəsinin təşkilatçılığı ilə IX siniflərdə buraxılış fənləri üzrə keçirilən diaqnostik qiymətləndirmənin nəticəsi ilə valideynləri tanış etmək olmuşdur.Görüş zamanı məktəbin direktoru Şakir Mikayılov bildirmişdir ki, şagirdlərin ümumi təhsil bazası üzrə buraxılış imtahanlarında yüksək nailiyyət əldə etmələri üçün valideynlər məktəblə birgə əməkdaşlıq etməlidirlər.O, onu da qeyd etmişdir ki, risk qrupunda olan şagirdlər üçün fənn müəllimləri tərəfindən əlavə məşğələlər keçirilir, lakin şagirdlərin bəziləri həmin məşğələlərdə iştirak etmirlər və bu da həmin şagirdlərin buraxılış imtahanı zamanı yaxşı nəticə qazanmamalarına səbəb olacaqdır.
