Fövqəladə hallarda özünü necə aparmalı
07 noyabr 2019-cu il tarixdə Fövqəladə Hallar Nazirliyi Bakı Regional Mərkəzinin təşkilatçılığı ilə məktəbdə "Fövqəladə hallarda özünü necə aparmalı” mövzusunda maarifləndirici tədbir keçirilib. Tədbirin keçirilməsində məqsəd fövqəladə hallara hazırlıq səviyyəsinin yoxlanılması, birgə fəaliyyətin uzlaşdırılmasının məşq edilməsi ilə yanaşı, məktəbin kollektivinin fövqəladə hadisələrdən mühafizə üsulları və bu cür hallarda hərəkət qaydaları ilə bağlı bilik və bacarıqlarını təkmilləşdirməkdən ibarət olmuşdur. Tədbiri giriş sözü ilə açan məktəbin direktoru Şakir Mikayılov keçirilən tədbirin əhəmiyyətindən bəhs etmişdir.
