SEVİNC, GÜLÜŞ, DÜŞÜNCƏ, HAMININ ÜRƏYİNCƏ...
25 may 2019-cui il tarixində məktəbin 1 "b" sinif şagirdləri sinif müəllimləri Gülbəniz Quliyevanın rəhbərliyi ilə "SEVİNC, GÜLÜŞ, DÜŞÜNCƏ, HAMININ ÜRƏYİNCƏ... " adlı sadə, lakin geniş anlamda möhtəşəm bayram tədbirlərini qeyd etdilər.Tədbir zamanı birincilər bu bir il ərzində öyrəndikləri biliklərini nümayiş etdirməklə yanaşı, həm də hər birimizin nisgili olan doğma Qarabağımızla bağlı mövzularla da anaları ilə birlikdə çıxışlar etdilər.
Bəli, hər bir təhsil işçisinin borcu, Azərbaycanın gələcəyi olan uşaqlara kiçik yaşlarından Vətənə, torpağa, doğma ana dilimizə məhəbbət, düşmənə nifrət hissi aşılamaqdır.Məktəb rəhbərliyi adından əziz birinciləri, onların valideynlərini təbrik edir, uğurlar arzulayır, birincilərin ilk müəllimi Gülbəniz Quliyevaya uşaqlara kiçik yaşlarından Vətənə, torpağa, doğma ana dilimizə məhəbbət hissi aşıladığı, gözəl tədbir hazırladığı üçün təşəkkürümüzü bildiririk.