“Şuşasız 26 il” adlı tədbir – mitinq keçirilib
08 may 2018-ci il tarixdə Bakı şəhəri, 186 №-li tam orta məktəbdə Azərbaycanın dilbər guşəsi, musiqi beşiyi, tarixi şəxsiyyətlər, incəsənət, mədəniyyət, ədəbiyyat nümayəndələrini yetişdirən qədim Şuşa şəhərinin ermənilər tərəfindən işğalının 26-cı ildönümü ilə bağlı “Şuşasız 26 il” adlı tədbir – mitinq keçilib. Anim mərasimində Qarabağ Müharibəsi Əlilləri, Veteranları və Şəhid Ailələri İctimai Birliyinin Pirallahı rayon şöbəsinin nümayəndələri, valideynlər , məktəbin müəllim və şagird heyətinin üzvləri iştirak ediblər.
Anım mərasimi Azərbaycan Respublikasının Dövlət Himnin səsləndirilməsi ilə açıq elan edilib.Sonra Azərbaycanın ərazi bütövlüyü uğrunda canlarını qurban vermiş şəhidlərimizin , Şuşa şəhərinin işğalı zamanı şəhid olmuş soydaşlarımızın əziz xatirəsi 1 dəqiqəlik sükutla yad edilib,
Tədbirdə çıxış edən məktəbin tarix müəllimi Yaqub Hüseynov çıxışında Şuşanın işğaldan əvvəlki tarixini və işğal zamanı Şuşaya, Şuşa mədəniyyətinə, incəsənətinə və bütövlükdə Azərbaycana vurulan ağır zərbədən danışaraq bir daha şagirdləri Şuşa haqqında məlumatlandırıb.Tədbirdə çıxış edən məktəbin direktoru Şakir Mikayılov və digərləri ermənilərin Azərbaycana qarşı törətdikləri vəhşiliklərdən danışaraq şagirdlərə öz tarixlərini öyrənməyi, vətənpərvər olmağı, unutqan olmamağı , dövlətinə, dövlətçiliyinə sadiq olmağı tövsiyə ediblər.
Sonda şagirdlər şəhidlərimizə, Qarabağa həsr olunmuş mübarizə əzmli şeirlər ifa ediblər.