“Xocalıya ədalət”
Fevralın 23-də Pirallahı rayonunda 1992-ci il fevralın 25-dən 26-na keçən gecə erməni faşistləri tərəfindən törədilmiş "Xocalı soyqırımı" nın 26-cı ildönümünə həsr edilmiş tədbir keçirildi. “Xocalıya ədalət” başlığı altında təşkil olunan tədbirdə Pirallahı RIH başçısının müavini Vəzir Səfixanov, millət vəkili, Yap Xətai rayon təşkilatının sədri Hüseynbala Mirələmov, Xocalıdan olan məcburi köçkün ailələri, Pirallahı rayonunun idarə və təşkilatlarının, rayon ictimaiyyətinin nümayəndələri, orta məktəblərin müəllim və yuxarı sinif şagirdləri iştirak etdilər.Tədbirdə məktəb üzrə 12 müəllim , 50 şagird iştirak etdi.
Tədbirə Milli Məclisin deputatı Hüseynbala Mirələmovun "Xocalı soyqırımı" na həsr edilmiş “Xəcalət” pyesi əsasında səhnələşdirilmiş eyniadlı tamaşasına baxışla yekun vuruldu. Tamaşa Bakı Mühəndislik Universitetinin “Tələbə teatrı” nın kollektivi tərəfindən hazırlanmışdır.
