"Tarixdə Azərbaycan qadınları"
Vətənpərvərlik mövzusunda növbəti tədbir 19 yanvar 2018-ci il tarixində məktəbin akt zalında keçirilib.Məktəbin rus bölməsinin tarix müəllimi Anjelika Surxayevanın təşkilatçılığı ilə təşkil edilən "Tarixdə Azərbaycan qadınları" mövzusunda möhtəşəm tədbir, iştirakçılar tərəfindən böyük rəğbətlə qarşılanıb.Tariximizdə qəhrəmanlıq göstərən qadınlarımızın obrazlarını rus bölməsinin yuxarı sinif şagirdləri böyük məharətlə icra etdilər.Şagirdlər doğma vətənimizə, qəhrəmanlarımıza, şəhidlərimizə olan sevgi və hörmətlərini öz çıxışları ilə nümayiş etdirdilər.Onlar bir daha sübut etdi ki, Azərbaycan qəhrəmanlar yurdu, igidlər məskənidir.
