Bakıda müəllimlərin Beynəlxalq Konfransı keçirilib
16-17 noyabr 2017-ci il tarixlərində Bakıdakı Avropa Azərbaycan Məktəbində “Öyrənməyi öyrənmək” adlı 2-ci Beynəlxalq Təlim Konfransı keçirilib.
Azərbaycan Müəllim İnkişafı Mərkəzi (AMİM) və Avropa Azərbaycan Cəmiyyətinin birgə təşkilatçılığı ilə keçirilən Konfransda üç tanınmış beynəlxalq məruzəçi -
Kanadadan Leyn Klark, Böyük Britaniyadan Mett Bromli və Tristan Stobi iştirak ediblər.Əsas məruzəçilərlə yanaşı, təcrübəli xarici və yerli təhsil mütəxəssisləri də
bölmə seminarlarında müxtəlif mövzularda təqdimatlar keçiriblər.Konfransda beynəlxalq səviyyəli qabaqcıl təhsil mütəxəssislərinin peşəkar təlim və
inkişafa dair fikir mübadiləsindən əlavə, Azərbaycanın müxtəlif məktəblərində çalışan müəllimlərin bir araya gəlməsi, ünsiyyət qurması və təcrübə mübadiləsi üçün də imkan yaranmışdır.1-ci Konfransda olduğu kimi məktəbin riyaziyyat-informatika müəllimi Aygün Babayeva 2-ci Konfransda da iştirak edib.
