"Yaşıl məktəb" layihəsi qalibi
Daha öncə də qeyd etdiyimiz kimi "Yaşıl məktəb" layihəsi məktəbimizdə də reallaşdırılıb. Belə ki, "Yaşıl dünya naminə həmrəylik ili" ilə əlaqədar olaraq ibtidai siniflərdə "Yaşıl məktəb" layihəsi üzrə müsabiqə elan edilib. 10 may tarixinə kimi müsabiqə davam edib. Müsabiqənin sonunda 322 nömrəli tam orta məktəbin münsiflər heyətinin rəyinə əsasən qalib seçilib. Müsabiqənin qalibi Teymurlu Dilbər müəllimin 3C sinfi olub. Münsiflərin rəyinə əsasən, qalib sinif Fəxri Fərman və hədiyyə ilə təltif olunub. Belə ki, 3C sinfi 1-ci yerə, 2A sinfi 2-ci yerə, 1C sinfi isə 3-cü yerə layiq görülüb. Digər iştirak edən siniflər isə "Təşəkkürnamə" ilə təltif olunub.
