BİLİK YARIŞI KEÇİRİLDİ
Məktəbdə bilik yarışlarının keçirilməsinə, şagirdlərin bu işə cəlb olunmasına xüsusi maraq göstərilir. Müəllimlərimiz şagirdlərin dərsə marağını artırmaq üçün mütəmadi olaraq bu cür fəaliyyətlər həyata keçirirlər. Bu dəfə də riyaziyyatdan bilik yarışı keçirildi. 11-ci siniflər arasında riyaziyyat fənni üzrə keçirilən yarışda şagirdlər gərgin mübarizə apardılar. Bilik yarışında 11 "A", 11 "B", 11 "C" və 11 "Ç" sinifləri iştirak etdi. Yarış 11 "A" sinfinin qələbəsi ilə başa çatdı. Qeyd edək ki, yarışı məktəbin riyaziyyat müəllimləri Allahverdi Abbasov , Nəfisə Bayramova və Gülşad Verdiyeva hazırlamışdılar.
