182 №-li tam orta məktəb

29 dekabr 2015-ci il tarixində Bakı şəhəri 182 nömrəli tam orta məktəbdə Dünya Azərbaycanlılarının Həmrəylik Günü və Yeni il münasibətilə maraqlı tədbir keçirildi. Tədbiri məktəbin 7a, 6a və 6q siniflərinin şagirdləri birlikdə təşkil etmişdilər. Tədbir 2 hissədən ibarət idi: Həmrəylik günündən bəhs edən, vətənpərvərlik ruhunda mahnı və şeirlərin ifa olunduğu rəsmi hissə; Rəngarəng görüntülər, mahnı və rəqslərlə yadda qalan əyləncəli hissə. Tədbiri məktəbin qabaqcıl ingilis dili müəllimləri – Şəlalə müəllimə, Rəqsanə müəllimə və Elminaz müəllimə hazırladığı üçün şagirdlərin çıxışlarının bir hissəsi ingilis dilində oldu. Bu da tədbirin daha maraqlı keçməsinə səbəb oldu. Sonda məktəbin direktoru Tağıyeva Ziniyət xanım çıxış edərək hər iki bayram münasibətilə tədbir iştirakçılarını təbrik etdi. Yeni ilin xalqımız üçün daha xeyirli olmasını arzuladı. Tədbirdə iştirak edənlər – şagirdlər və müəllim heyəti böyük məmnunluq hissi ilə zaldan ayrıldılar.