8 Mart - Beynəlxalq Qadınlar Günü ilə əlaqədar tədbir keçirildi
Bugün məktəbdə 8 Mart Beynəlxalq Qadınlar Gününə həsr olunmuş tədbir keçirildi. Musiqili və əyləncəli tədbirdə qadınların həyatımızda əvəzolunmaz rol oynaması faktı müxtəlif vasitələrlə dəfələrlə vurğulandı. Nümayiş etdirilən videoçarxlar, slaydlar, səhnəciklər tədbirin daha da maraqlı keçməsini təmin etdi. Məktəb direktoru da daxil olmaqla məktəbin qadın kollektivi üçün təşkil olunmuş tədbirdən müəllimlər böyük məmnunluq hissi ilə ayrıldılar. Tədbir 5-ci və 6-cı siniflərin iştirakı ilə baş tutdu. Onu da qeyd edək ki, tədbir məktəbin rus dili müəllimi Mirxanım Abdullayeva tərəfindən hazırlanmışdı.
