CƏMŞİD NAXÇİVANSKİ-120
Məktəbimiz tarixi şəxsiyyətlərin yubileylərinə həsr olunmuş tədbirlər keçirməkdə davam edir. Səməd bəy Mehmandarovun 160 illik yubileyinə həsr olunmuş tədbirdən sonra bu dəfə də növbəti bir qüdrətli generalın – Cəmşid Naxçivanskinin 120 illik yubileyi məktəbimizdə qeyd olundu. Məktəbin kitabxanasında keçirilən tədbirdə direktor Tağıyeva Ziniyət, bir neçə tarix müəllimi və 8 "A" sinfinin şagirdləri iştirak etdilər. Cəmşid Naxçivanskinin fotoşəkillərindən və haqqında məlumatdan ibarət stend şagirdlərə nümayiş etdirildi. Böyük generalın həyatı və fəaliyyəti barədə danışıldı. Keçdiyi çətin və şərəfli həyat yolu şagirdlərə örnək təşkil edəcək şəkildə onların nəzərinə çatdırıldı. Bu cür vətənpərvərlik ruhunda tədbirlərin keçirilməsi şagirdlərdə milli qürur hissinin oyanmasında müstəsna dərəcədə əhəmiyyətlidir.
