MÜSTƏQİLLİYİMİZ ƏBƏDİDİR
Bugün məktəbdə müstəqillik bayramı qeyd olundu. Məktəbin 7 "A" sinif şagirdlərinin iştirakı ilə “Müstəqilliyimiz əbədidir” adlı tədbir təşkil olunmuşdu. Tədbir himnimizin səslənməsi ilə başladı, şagirdlərin vətənpərvərlik ruhunda çıxışları ilə davam etdi. Müstəqillik gününə həsr olunmuş səhnəcik isə daha çox yaddaqalan oldu. Eyni zamanda məktəbimizin şagirdlərinin çəkdiyi rəsmlərdən təşkil olunmuş, müstəqilliyimizi əks etdirən sərgi də diqqətəlayiq idi. Tədbirin sonunda məktəbin direktoru Tağıyeva Ziniyət çıxış edərək bildirdi ki, bu cür dövlət bayramlarının təşkili şagirdlərə vətənpərvərlik duyğularının aşılanmasında müstəsna dərəcədə əhəmiyyətlidir. Buna görə də tez-tez buna bənzər tədbirlər təşkil olunmalı, şagirdlərə vətənə sevgi anlayışı təlqin edilməlidir.
