“KİÇİK AKADEMİYA” FƏALİYYƏTİNİ UĞURLA DAVAM ETDİRİR
Məktəbimizdə ötən il yaradılmış və bir il ərzində böyük yol qət etmiş Kiçik Akademiya bu il də səmərəli fəaliyyətini davam etdirir. Kiçik Akademiyanın üzvləri asudə vaxtlarında məktəbin kitabxanasında toplaşır və təqdim edəcəkləri elmi işlərlə bağlı müzakirələr aparırlar. Bu gün isə kitabxanada bir ay ərzində görülən işlərin yekun təqdimatı keçirildi. Şagirdlər informatika, biologiya, ədəbiyyat fənləri üzrə hazırladıqları təqdimatlarla çıxış etdilər. Çıxışları dinləyən pedaqoji kollektiv şagirdlərin işlərini yüksək qiymətləndirdi.
