Müstəqilliyimiz milli sərvətimizdir
Bildiyiniz kimi, xalqımız keşməkeşlı mübarizələr dolu tarixi bir yol keçmişdir. Bunların hamısının bir məqsədi, bir məramı olmuşdur: azadlıq, müstəqillik. Bu gün xalqımızın müstəqillik əldə etdiyi vaxtdan düz 25 il ötür. Bu möhtəşəm bayram əhvali-ruhiyyəsi məktəbimizdə də xüsusi duyulmaqdadır. Belə ki, məktəbin təsviri-incəsənət müəllimi Səadət Bədəlovanın rəhbərliyi altında hazırlanmış, MÜSTƏQİLLİK GÜNÜnə həsr olunmuş sərgi artıq bir neçə gündür ki, məktəbdə nümayiş olunur və şagirdlərin böyük marağına səbəb olur. Bu gün isə 6a sinfinin şagirdləri “Müstəqilliyimiz milli sərvətimizdir” adı altında vətənpərvər ruhlu tədbirlə çıxış etdilər. Tədbir Azərbaycan Respublikası Dövlət Himninin səslənməsi ilə başladı. şagirdlərin ifasında şeirlər səsləndirildi,səhnəciklər nümayiş etdirildi. Tədbir bu sözlərlə yekunlaşdı: Ad günün mübarək, Azərbaycan!
