NOVRUZ GƏLİR, YAZ GƏLİR...
Novruz gəlir, yaz gəlir... Bu xoş bayram ab-havası hər yerdə hiss olunur. Məktəbimiz də bu bayrama xüsusi hazırlaşmışdır. 6 "A" sinfində keçirilən tədbir öz spesifikliyi ilə diqqəti cəlb etdi. Məktəbin ingilis dili müəllimi Şəlalə Həmzəyeva tərəfindən hazırlanmış tədbir ingilis dilində keçirildi. Şagirdlər milli geyinmiş, hər yerə səmənilər, xonçalar düzülmüşdü. Tədbirdə Novruza aid mahnılar oxundu, şeirlər səsləndirildi, videoçarxlar nümayiş etdirildi. Şagirlər əl-ələ tutub birlik, bərabərlik rəmzi olan yallı rəqsini ifa etdilər. Bahar qız, kosa və keçəl tədbiri daha da şənləndirdi.
