"Yeniyetmələrin sirri"
28.03.2024 tarixində 181 nömrəli məktəbin psixoloqu Məryəm xanımın rəhbərliyi və Azərbaycan və Rus bölməsində təhsil alan 9-cu sinif şagirdlərinin iştirakı ilə "Yeniyetmələrin sirri" mövzusunda maarifləndirici söhbət aparılıb. Görüşdə insan həyatına təsir edən bioloji, sosial, psixoloji amillər ətrafında müzakirələrlə yanaşı, onların təfəkkürünün düzgün formalaşmasına müsbət təsir edəcək məsləhətlər də verilib.
Psixoloq vurğulayıb ki, yeniyetməlik dövrü ailənin bütün üzvlərinin sosial, şəxsi və ailəvi münasibətlərinin sınağa çəkildiyi bir dövrdür. Bu dövrdə hər bir valideyn övladı ilə dost olmalı, hər addımında onun yanında olduğunu hiss etdirməlidir. Valideyn - övlad arasında münasibətə diqqət yetirməlidir. Yeniyetmə üzləşdiyi problemi, çətinliyi ailədə valideynin dəstəyi və məsləhəti ilə aradan qaldırmağa, məktəbdə özünə yaxın bildiyi müəllimi ilə paylasaraq həll etməyə çalışmalıdır. Bu məsələdə müəllim və valideyn əməkdaşlığının vacibliyi də diqqət mərkəzində duran məsələlərdəndir.
