"Bullinq nədir və ondan necə qorunaq"
Məktəbin 6 B sinifində "Bullinq nədir və ondan necə qorunaq" mövzusunda profilaktik iş aparılıb. Məktəbə dəvət olunmuş psixoloq Ulya Bayramova tərəfindən aparılan profilaktik işin əsas məqsədi şagirdlərin mənəvi-psixoloji sağlamlığı üçün təhlükəsiz şəraitin yaradılması və ünsiyyətin düzgün qurulmasından ibarətdir.Psixoloq xüsusilə, yeniyetmələr arasında geniş yayılan bullinqin çox ciddi fiziki və psixoloji travmalara və faciələrə səbəb olduğunu qeyd etdi, bundan yarana biləcək fəsadlar haqqında danışdı. Tədbirdə eyni zamanda mövzuya həsr olunmuş maarifləndirici videoçarx da nümayiş olundu. Sonda VI sinif şagirdləri ilə mövzuya dair müzakirələr aparıldı, bullinqə qarşı mübarizə yolları araşdırıldı.
