"İdman həftəsi" layihəsi
5 Mart-Bədən Tərbiyəsi və İdman Günü ilə əlaqədar olaraq "İdman həftəsi" layihəsinə əsasən məktəbin fiziki tərbiyə müəllimi, layihənin rəhbəri Əkbərov Gündüz Eyvaz oğlu məktəbin idmançı şagirdləri ilə görüş keçirdi. Görüşdə idman nailiyyətləri qazanan şagirdlər ilə yanaşı Xüsusi təhsil proqramı ilə təhsil alan şagirdlər də iştirak edirdi. Onlar yarışlara hazırlıq, yarışda yüksək ruh yüksəkliyi ilə iştirak edərək qalibiyyət qazanmaları barədə söhbətlər etdilər. Ümumdünya Xüsusi Yay Olimpiya Oyunlarının Basketbol üzrə gümüş medal mükafatçıları məktəbin X sinif şagirdləri Nəbizadə Nazlı və Qasımova Fatimə yarış barədə söhbət açaraq uşaqlarda idmana marağı artırdılar.
