Məktəb kitabxanasında bir gün
02 aprel tarixində “Məktəbə ekskursiya” çərçivəsində 2 “E” sinif şagirdləri sinif rəhbəri Baxşəliyeva Aynur ilə məktəb kitabxanasına səyahət etdilər. Burada onları məktəb kitabxanasının müdiri Sevil Qurbanova gülərüzlə qarşıladı. Kiçikyaşlı məktəblilər kitabxana ilə tanış oldular, oxu və qiraət zalını gəzdilər. Kitabların çoxluğu, orada olan səliqə - səhman, müxtəlif rəsmlər uşaqların diqqət və marağını özünə cəlb etdi. Rəflərdə yerləşən kitablara baxdılar. Kitabxanaçı şagirdlərə kitab aləmindən maraqlı məlumatlar verdi. Gələcəkdə şagirdlərin məktəb kitabxanasından necə səmərəli istifadə edə biləcəkləri haqda söhbət açdı. Kiçikyaşlı məktəblilər öz yaş səviyyəsinə uyğun olaraq kitablar seçdilər. Bu işdə onlara sevimli müəllimləri və kitabxanaçı yardım etdi. Məktəb kitabxanasında keçirdikləri bir neçə saatdan məktəblilər çox razı qaldılar.