Milli Dirçəliş Gününə həsr olunmuş sinif saatları keçirildi
![](https://bakimektebleri.edu.az/uploads/news_gallery/1700406424655a24984ac943.53478769.jpg)
Milli Dirçəliş Gününə həsr olunmuş sinif saatları keçirildi
Noyabrın 15-də məktəbin illik Fəaliyyət planının 1.3.12-ci bəndinə müvafiq olaraq şagirdlərdə dövlət rəmzlərinə, vətənpərvərlik, milli mənəvi dəyərlərimizə hörmət hissinin aşılanması məqsədilə siniflərdə Milli Dirçəliş Gününə həsr olunmuş sinif saatları və dəyirmi masa keçirildi. Şagirdlərə bildirildi ki , 1988-ci ilin noyabr-dekabr aylarında Bakıda olan hadisələrlə bağlıdır. Sovet rəhbərliyinin Qarabağ məsələsi ətrafında apardığı antiazərbaycan siyasəti nəticəsində XX əsrin 80-ci illərinin sonunda Azərbaycanda anti-sovet xalq hərəkatı təşəkkül tapdı.
17 noyabr 1988-ci ildə Bakının əsas meydanı sayılan Azadlıq meydanında (keçmiş Lenin meydanı) Azərbaycan xalqının uzunmüddətli mitinqləri (17 noyabr — 5 dekabr, 1988-ci il) başladı.
Azərbaycanda bu hadisələr milli-azadlıq hərəkatı kimi qiymətləndirilir və Respublikamızın istiqlaliyyət qazanmasında əsas amil sayılır.