Məktəbdə xeyriyyə aksiyası keçirildi
151 nömrəli tam orta məktəbdə "Qış nağılı" adlı şagirdlərin əl işlərindən və rəsmlərindən ibarət I-IV və V-VIII siniflər arasında müsabiqə xarakterli sərgi təşkil edildi. Əl işləri ilə fərqlənən şagirdlər məktəb rəhbərliyi tərəfindən müxtəlif diplomlar və fəxri fərmanlarla təltif edildilər. Daha sonra körpələr evinə köməklik məqsədi ilə xeyriyyə aksiyasına start verildi. Belə ki, məktəblilərin əl işləri və rəsmləri satışa çıxarıldı. Toplanan vəsaitə körpələr evinin sakinləri üçün “Yeni il” münasibəti ilə müxtəlif hədiyyələr alındı.
