9 Noyabr - Azərbaycan Respublikasının Dövlət Bayrağı günü!
Artıq bir neçə ildir ki, dövlətimiz tərəfindən rəsmi şəkildə qeyd olunan bayramlar sırasına “Dövlət Bayrağı Günü” də əlavə edilib. Hər il müstəqil Azərbaycan Respublikasında 9 Noyabr təmtəraqla qeyd edilir. Hamıya məlumdur ki, ölkəmiz öz mustəqilliyini yenidən əldə etmək, bü günki istiqlalına qovuşmaq uğrunda ağır bir mübarizə yolu keçmişdir. Bu yolda itirdiklərimiz də oldu, qazandıqlarımız da. Bayraq - bizim bu yolda qazandıqlarımızdandır. Hər bir millət öz bayrağı, gerbi, himni ilə tanınır. Şükürlər olsun ki, dövlətimizi dünyada tanıtdıracaq bayrağı, himni və gerbi var. Dövlətimizin atributlarından olan bayraq həmişə qürur mənbəyi sayılıb. “Bayraq günü” ilə əlaqədar hər yerdə olduğu kimi, bizim məktəbdə də tədbir və rəsm müsabiqəsi keçirildi. Tədbirdə VII-VIII sinif şagirdlərinin hazırladıqları rəsmlər nümayiş olundu. Məktəb şagirdlərinin hazırladıqları referatlar oxundu, şeirlər dinlənildi. Bu tədbirdə əsas məqsəd şagirdlərdə vətənpərvərlik hissi oyatmaq, onlarda öz dövlətinə, bayrağına məhəbbət yaratmaq idi. Tədbirdə hər kəs bir daha başa düşdü ki, bayraq hamı üçün əziz və müqəddəsdir. Onu qorumaq hamımızın borcudur!
