Gənc kimyaçılarımız final mərhələsində
Bakı Şəhərı üzrə Təhsil İdarəsinin 07.02.2019-cu il tarixli, F-89 nömrəli əmri ilə elan edilmiş Bakı şəhəri ümumtəhsil müəssisələri və uşaq-gənclər inkişaf mərkəzlərinin Azərbaycan və rus bölmələrinin 9-11-ci sinif şagirdləri arasında “Gənc kimyaçıların yaradıcılıq müsabiqəsi” 2019-cu ilin fevral-mart aylarında üç mərhələ üzrə keçirilir.
Müsabiqənin birinci mərhələsi fevral ayının 14-də təhsil müəssisələrində, ikinci mərhələsi isə fevral ayının 22-də rayonlar üzrə keçirilmişdir.
Rayonlar üzrə keçirilən mərhələdə şəhərin 12 rayonu üzrə 15 komanda qalib gəlmişdir. Suraxanı rayonu üzrə məktəbimiz üçüncü mərhələyə keçmişdir.
Müsabiqənin üçüncü mərhələsinə keçən şagirdlərimizi 06 mart 2019-cu il tarixdə saat 11:00-da Ali Neft Məktəbində keçiriləcək final mərhələsinə yola saldıq. Onlara zehin açıqlığı arzulayırıq.
