Beynəlxalq Ana Dili Günü
Fevralın 21-i bütün dünyada Beynəlxalq Ana Dili Günü kimi qeyd olunur. Ümummilli liderimiz Heydər Əliyev ana dilimiz haqqında deyirdi: "Dilimiz çox zəngin və ahəngdar dildir, dərin tarixi köklərə malikdir. Şəxsən mən öz ana dilimi çox sevir və bu dildə danışmağımla fəxr edirəm".
Məktəbimizdə bu gün münasibəti ilə 2 “A” sinfində “Açıq dərs” keçirilib. Dərs Azərbaycanın himni ilə açıq elan olunub. Şagirdlər “Ana dili” mövzusuna həsr olunmuş şeirlər söyləyib, musiqilər səsləndirdilər. Sinif müəlliməsi dərsin məqsədindən danışarkən: ”Ana dilinə qayğı göstərilməsi o dilin ömrünün neçə yüzilliklər bundan sonra da uzanmasına səbəb olur. Dilsiz xalq heç zaman öz keçmişini tanımaz” söylədi. Dərs uğurla yekunlaşdı.
