"01 Mart - Ümumdünya Mülki Müdafiə Günü"
"01 Mart - Ümumdünya Mülki Müdafiə Günü" ilə əlaqədar Suraxanı rayonu 146 nömrəli tam orta məktəbdə Tədbirlər Planına əsasən siniflərdə maarifləndirici söhbətlər aparıldı. "Mülki Müdafiə Günü"nün yaranma tarixi, məqsəd və vəzifələri haqqında geniş məlumat verildi. Bu günün hər il keçirilməsində məqsəd ictimaiyyətin diqqətini bu təşkilatın vacibliyinə və həyati əhəmiyyətinə cəlb etmək, mülki müdafiə işçilərinin isə işini və fədakarlıqlarını lazımınca qiymətləndirməkdir. Belə ki, əhalinin mühafizəsi - Mülki Müdafiənin başlıca vəzifəsidir. Mühafizənin əsas üsul və vasitələri isə adamların mühafizə qurğularında daldalandırılması, təhlükəli yerlərdən köçürülüb az təhlükəli, yaxud təhlükəsiz yaşayış məntəqələrində yerləşdirilməsi, fərdi mühafizə vasitələrindən hamının istifadə etməsidir. Havadan basqın, zəhərlənmə və digər təhlükələr barədə vaxtında xəbərdarlıq, mühafizə üsul və qaydalarının əhaliyə öyrədilməsi də bu vəzifənin yerinə yetirilməsində vacib şərtdir.
