143 №-li tam orta məktəb

    Binəqədi Rayon İcra Hakimiyyətinin dəstəyi, Binəqədi rayon Gənclər və İdman İdarəsinin təşkilatçılığı ilə 18 dekabr 2018-ci il tarixində tədris ili ərzində rayon ərazisində keçirilən mədəni-kütləvi tədbirlərdə fərqlənən istedadlı yeniyetmə və gənclərin mükafatlandırılması mərasimi keçirilmişdir. 

    Tədbirdə 6 № li Uşaq-Gənclər İnkişaf Mərkəzinin müəllimləri, gənclər üzrə nümayəndələr, orta ümumtəhsil məktəblərində təhsil alan şagirdlər və onların valideynləri  iştirak edirdilər.

    Tədbirdə çıxış edən rəis müavini Sevinc Süleymanova 2018-ci il ərzində İdarə tərəfindən gənclər siyasəti sahəsində  keçirilən tədbirlərdən, Azərbaycan Respublikası Prezidentinin 2017-ci il 15 sentyabr tarixli “Azərbaycan gəncliyi 2017-2021-ci illərdə” Dövlət Proqramının icrası məqsədilə ölkəmizdə yeniyetmə və gənclərə göstərilən xüsusi diqqət və qayğıdan söhbət açaraq  orta ümumtəhsil məktəblərində  təhsil alan şagirdlərin fəal iştirakına görə məktəb rəhbərliklərinə, müəllimlərə, şagirdlərə və onların valideynlərinə İdarə adından minnətdarlığını bildirdi və onlara təhsildə, gələcək tədbirlərdə uğurlar arzuladı.

    Tədbirin sonunda  məktəblilər  fəal iştiraklarına görə Binəqədi rayon Gənclər və İdman İdarəsi tərəfindən diplom və  fəxri fərmanlarla təltif edildilər. 

    Mükafat alan şagirdlər arasında 143 nömrəli tam orta məktəbin 8b sinif şagirdi Ələkbər Novruzov və 10b sinif şagirdi Yasəmən Qasımova iştirak edirdilər.