143 №-li tam orta məktəb

     Bir uşaq, bir müəllim, bir kitab və bir qələm dünyanı dəyişdirə bilər. Təhsil insanın sahib ola biləcəyi ən qiymətli xəzinədir və Müəllimlər bu xəzinəni bizə təqdim edirlər. Müəllim şagirdlərə sual verməyi, düşünməyi və tədqiqat aparmağı öyrədərək, onların gələcəyini qurur. Müəllim sadəcə öyrətmir, onlar həyat, sevgi və insanlıq haqqında dəyərləri öyrədirlər. Ona görə də onların hər biri qəhrəmandır. Müəllimlər sevgi, ümid və inamın alovunu yandıran bir fənn təlimiçisi deyil, bir həyat müəllimidir. Bir uşağı yaxşı bir şəkildə öyrətmək, onun həyatını dəyişdirmək deməkdir. Müəllimin verdiyi dərslər təkcə kitabın vərəqlərində qalmır, şagirdlərin qəlbinə və şüuruna nüfuz edir, onların həyatına istiqamət verir. Təhsil hər bir insanın sərhədlərini genişləndirir və ona dünyanı fərqli bir gözlə görmə imkanı verir. Müəllimlərimiz öyrətməkdən çox bizi sevdilər.

Oktyabrın 1-də dövlət ümumi təhsil müəssisələrindəki məktəbəhazırlıq qruplarında məşğələlərə start verilib.

2024-2025-ci tədris ilində Bakı Şəhəri üzrə Təhsil İdarəsinin tabeliyindəki 287 ümumi təhsil müəssisəsinin məktəbəhazırlıq qruplarına 23 438  uşaq qeydiyyatdan keçib.

Qeyd edək ki, dövlət ümumi təhsil məktəblərində yaradılan məktəbəhazırlıq qruplarında həftədə 4 gün olmaqla 12 məşğələ keçirilir. Məktəbəhazırlıq qruplarında dərs məşğələləri “Ətraf aləmlə tanışlıq”, “Savad təliminə hazırlıq və nitq inkişafı”, “Bədii təfəkkürün inkişafı”, “Məntiqi və riyazi təfəkkürün inkişafı”, “Təsviri fəaliyyət”, “Musiqi” və “Fiziki mədəniyyət”dən ibarətdir.

Onu da qeyd edək ki, məktəbhazırlıq qruplarının yaradılmasında məqsəd 5 yaşlı uşaqların hazırlığı ilə əlaqədar psixoloji dayanıqlığını artırmaq, təhsil mühitinə uyğunlaşdırmaq, onların ünsiyyət və birgə fəaliyyət bacarıqlarına yiyələnməsini təmin etməkdən ibarətdir.

    Məktəbdə 4ç və 8b sinif şagirdlərinin iştirakı ilə ANIM GÜNÜ tədbiri keçirildi. Tədbirdə şagirdlər maraqlı kompozisiyalarla çıxış etdilər, videoçarx nümayiş etdilər. Tədbirə şəhid Nurlan Əsgərli və İntiqam Əsgərli qardaşlarının, şəhid Eltac Əlizadənin ailə üzvləri dəvət almışdı. Tədbir təşkilatçısı Könül Mehdiyeva və iştirakçı şagirdlərə dərin təşəkkür bildiririk.
     Bundan əlavə  məktəbdə sinif saatları, esse müsabiqəsi, sərgi təşkil olundu.

Bakı Şəhəri üzrə Təhsil İdarəsinin (BŞTİ) tabeliyindəki ümumi təhsil müəssisələrində 27 Sentyabr - Anım Günü ilə bağlı tədbirlər təşkil olunub.

Qalibiyyət və vətənpərvərlik ruhunda təşkil edilən tədbirlərdə Vətən Müharibəsi şəhidlərinin əziz xatirəsi bir dəqiqəlik sükutla yad edilib, Anım Günü barədə şagirdlərə ətraflı məlumat verilib.

Bildirilib ki, Prezident İlham Əliyevin 2020-ci il 2 dekabr tarixli Sərəncamına əsasən təsis edilən Anım Günü Vətən Müharibəsində qəhrəmancasına döyüşən, ölkəmizin ərazi bütövlüyü uğrunda canlarından keçən əsgər və zabitlərimizə, bütün şəhidlərimizə dərin ehtiramın ifadəsidir.

Tədbirlərdə, həmçinin Vətən Müharibəsində qazanılan qələbədən sonra Qarabağda böyük abadlıq və quruculuq işlərinin başlanması, işğaldan azad edilən torpaqlarımızın yenidən bərpa olunması, dövlət başçısının Sərəncamına əsasən, hər il sentyabrın 20-nin Azərbaycan Respublikasında Dövlət Suverenliyi Günü kimi qeyd edilməsi barədə məlumatlar şagirdlərin diqqətinə çatdırılıb.

Qeyd edək ki, təhsil müəssisələrində şәhidlәrin xatirәsinә hәsr olunan ağacәkmә kampaniyaları və şәhidlәrin ailәlәri ilә görüşlәr də keçirilib. Bundan başqa, şagirdlərin Vətən Müharibəsi Memorial Kompleksinə, Hәrbi Qәnimәtlәr Parkı, Şəhidlər Xiyabanı və İkinci Fəxri Xiyabana ekskursiyaları da təşkil olunub.

    Məktəb rəhbərliyi və kollektivi şəhidlərimizin ruhunu hörmətlə yad etdi.  Allah şəhidlərimizə rəhmət eləsin. AMİN!