15 sentyabr "Bilik günü" qeyd olundu
Sentyabrın 15-də paytaxtın ümumi təhsil məktəblərində olduğu kimi Bakı şəhəri 143 nömrəli tam orta məktəbdə də “Bilik günü” qeyd olunub.
Tədbiri ilk olaraq məktəbin direktoru açaraq "Bilik günü"ndə iştirak edən qonaqları, müəllimləri, valideynləri və I sinifə yenicə qədəm qoyan məktəbliləri yeni dərs ilinin başlanması münasibətilə təbrik etdi, onlara uğurla arzuladı. Sonra 2017/2018-ci tədris ilində məktəb məzunlarının qəbul imtahanlarında göstərdikləri nəticələrdən, yeni dərs ilində qarşıya qoyulan məqsədlərdən danışıldı. Məktəbimizə qonaq olan Binəqədi rayon M.Ə.Rəsulzadə qəsəbə bələdiyyəsinin sədri Hümbət Hüseynov, məktəbin direktor müavinləri, müəllimləri, valideynləri yeni dərs ilinin açılışı münasibətilə şagirdləri təbrik edərək uğurlar arzu etmişlər.
Sonda I və XI siniflərin təqdimatında ilk zəng çalındı.
