Bu gün "Son zəng" çalındı
14 iyun tarixində Respublikanın ümümtəhsil müəssiələrində 11-ci sinfi bitirən məzunlara son zəng çalındı. Hər il olduğu kimi, bu il də "Son zəng" tədbirləri məktəb rəhbərləri tərəfindən şagirdlərin təhlükəsizliyi təmin olunmaqla bilavasitə ümumi təhsil məktəblərində təşkil edilib.
Bakı şəhəri 143 nömrəli tam orta məktəbdə də “Son zəng” tədbiri keçirilmişdir. Tədbiri məktəbin direktoru Elmar Həşimov açaraq məzunları təbrik edib və hər birinə qarşıdakı imtahanlarda uğurlar arzulamış daha yüksək nailiyyətlərlə məktəbimizi hər zaman uca zirvələrdə tutmaqlarını arzu etmişdir. Dövlətimizin təhsilə, gənc nəslin sağlam düşüncəli vətəndaş kimi yetişməsində həyata keçirdiyi tədbirlər haqqında danışmış, bilavasitə bu ilki “Son zəng” tədbirinin Şərqdə ilk demokratik Respublika Azərbaycan Xalq Cumhuriyyətinin 100 illiyinə təsadüf etməsini qeyd etmişdir. Böyük qürur hissi ilə qeyd edən məktəbin direktoru Elmar müəllim Dövlət İmtahan Mərkəzinin qəbul imtahanlarının I mərhələsində 600 – dən yuxarı bal toplamış məzunları tədbir iştirakçılarına təqdim etmişdir.
Sonra məktəbin direktor müavinləri, müəllimləri, qonaq olan Təlimə Dəstək Mərkəzinin metodisti Xatirə Xudiyeva, Binəqədi rayon M.Ə.Rəsulzadə qəsəbə bələdiyyəsinin sədri Hümbət Hüseynov məzunları təbrik edərək gələcək işlərində uğurlar və hər bir məzuna tələbə adını qazanmağı arzu etmişlər.
2017/2018-ci tədris ilində müxtəlif müsabiqələrdə qalib olan məktəb şagirdlərini diplomlarla təltif edərək təbrik etmişlər və məktəbin məzunlarının, tanınmış müğənnilərin iştirakı ilə mahnılar, rəqslərdən ibarət konsert proqramı nümayiş etdirilmişdir. Tədbirin sonunda məktəbin “Son zəng” açarını 1-ci sinfə təqdim edərək məktəbi bitirən 11-ci sinfi şagirdləri üçün “Son zəng” çalınıb.
Bildiyimiz kimi, 2017/2018-ci tədris ilində Bakı şəhəri 143 nömrəli tam orta məktəbi 47 məzun bitirir.
Əziz məzunlar hər birinizi təbrik edir və gələcək imtahanlarda göstərdiyiniz yüksək nəticələrdəndə artıq nəticələr göstərərək hər birinizin tələbə adını qazanmağınızı, dövlətimizə, xalqımıza layiqli bir vətəndaş olmağınızı arzu edirik.
