Məktəbimizin istedadlı şagirdləri
Haqqında söhbət açacağımız 143 nömrəli məktəbin şagirdləri çox istedadlıdırlar. Bu istedadlar məktəbdə formalaşaraq yüksək nəticələr qazanmışlar. Qazandıqları bilik və bacarıqlarından müsabiqələrdə istifadə edərək qalib gəlmişlər.143 nömrəli məktəbin 6 - cı sinif şagirdi Fidan Qasımova "Ekoloji təmiz məhsul və aqromüxtəliflik " mövzusunda məktəblilərin II Respublika müsabiqəsinin ən fəal iştirakçısı seçilmişdir, II yerin qalibidir. Azərbaycan Respublikasının Təhsil Nazirliyi və Respublika Uşaq Gənclər İnkişaf Mərkəzinin diplomu ilə təltif edilmişdir. Azərbaycan televeziyasının "Səhər" proqramına dəvət olunaraq qalibiyyəti işıqlandırılaraq yayımlanmışdır.
2-ci sinif şagirdi Vəliyev Əli isə Azərbaycan Milli Paraolimpiya komitəsinin üzgüçülük idman növü üzrə təşkil etdiyi yarışda I yerin qalibi olaraq diplom, medal və kuboka layiq görülmüşdür. Müslümlü Zeynəb 5- ci sinif şagirdidir. O, "Kinboks" idman növü üzrə idman yarışında 1 - ci yeri tutmuş Lokomotiv İdman və Sağlamlıq Mərkəzi tərəfindən kubok, medal və diplomla mükafatlandırılmışdır. Bu naliyyətlər Azərbaycan təhsilinin nəticələridir ki, biz belə şagirdlərimizlə fəxr edirik.
