“1 iyun-Uşaqların Beynəlxalq Müdafiəsi Günü”dür
01.06.2016-cı il tarixdə Bakı şəhəri 143 nömrəli tam orta məktəbdə “1 iyun-Uşaqların Beynəlxalq Müdafiəsi Günü”nə tədbirlər planına əsasən IV siniflərində “Uşaqlar bizim gələcəyimizdir” və “Uşaqlar müharibəyə yox deyir” adlı sinif saatları keçirildi. Şagirdlərə bildirildi ki, “Uşaqların Beynəlxalq Müdafiəsi Günü” 1 iyun 1950-ci ildə BMT Baş Assambleyası tərəfindən qeyd olunması qərara alınıb. Həmin gün təşkil olunan "Qadınların Beynəlxalq Konfransı"nda uşaq hüquqlarının təmin edilməsi ilə bağlı təkliflər səslənib və elə həmin tədbirdə də 1 iyun tarixini uşaqların beynəlxalq müdafiəsinə həsr etmək qərarı verilib. Bundan sonra “1 iyun- Uşaqların Beynəlxalq Müdafiəsi Günü” kimi tarixə düşüb. Dünyanın əksər ölkələrində olduğu kimi, bu gün Azərbaycanda da qeyd edilir. Sinif saatları bitdikdən sonra məktəbin həyətində “1 iyun-Uşaqların Beynəlxalq Müdafiəsi Günü”nə həsr olunmuş asfalt üzərində rəsm sərgisi keçirildi.
