Yel çərşənbəsinə həsr olunmuş bayram tədbiri keçirildi
Sabunçu rayonu Telman İsgəndərov adına 142 nömrəli tam orta məktəbin 5ç sinif şagirdlərinin iştirakı ilə Yel çərşənbəsinə həsr olunmuş bayram tədbiri keçirildi. Bayram tədbirində məktəbin şagirdləri, valideynlər, müəllimlər iştirak edirdi.
Bu gün Yel çərşənbəsidir. Bəzən el arasında buna "Küləkli çərşənbə" də deyirlər. Qədim etiqadlarda deyilir ki, torpağın altında yatmış 4 cür külək məhz Yel çərşənbəsində torpağın altından çıxaraq müxtəlif libaslarda özünü göstərir. Mifologiyamızda Ağ yel - ağ, Qara yel - qara, Xəzri - göy, Gilavar - qırmızı libasda təsvir edilir. Bu 4 yel yellərlə birləşib bütün dünyanı dolaşır. Suyu, odu hərəkətə gətirib Baharın gəlişindən xəbər verir.
