2-6 Aprel şəhidlərinin xatirəsi anıldı
2016-cı ilin aprelin 1-dən 2-nə keçən gecədən başlayaraq Azərbaycan və Ermənistan Silahlı Qüvvələri arasında hərbi münaqişə baş verdi. Aprel döyüşləri Dağlıq Qarabağda 1994-cü ildə "Atəşkəs haqqında" saziş imzalandıqdan bəri ən şiddətli döyüşlər idi. Döyüşlər Azərbaycan Silahlı Qüvvələrinin qələbəsi ilə nəticələndi. Tərtər rayonunun Talış kəndi ətrafındakı yüksəkliklər və Seysulan kəndi, Cəbrayıl rayonunun Lələtəpə yüksəkliyi və Cocuqmərcanlı, Goranboy rayonunun Gülüstan kəndi, Tərtər rayonunun Qazaxlar kəndi və Madagir kəndi istiqamətində yollar düşməndən azad olundu.
Bu gün Sabunçu rayonu Telman İsgəndərov adına 142 nömrəli tam orta məktəbdə 2-6 Aprel Şəhidlərinin xatirəsinə həsr olunmuş açıq dərslər keçirildi.
