Su çərşənbəsi qeyd edildi
Novruz bayramının ilk çərşənbəsi su çərşənbəsidir. Bu çərşənbədə su və su mənbələri təzələnir, arxlar qaydaya salınır, su ilə bağlı müxtəlif tədbirlər keçirilir. Sabunçu rayonu Telman İsgəndərov adına 142 nömrəli tam orta məktəbdə Novruz bayramının ilk çərşənbəsi - su çərşənbəsi qeyd edildi. Məktəbin müəllimi Həsənalıyeva Şəmsiyyənin rəhbərliyi altında 4b sinif şagirdləri su çərşənbəsinə həsr olunmuş adət-ənənələri səhnələşdirdilər. Şagirdlər bayatılar, şeirlər söyləyib "haxışta" və yallı getdilər.
