"Gənclər arasında ailə qurulmasına hazırlıqla bağlı!" dəyirmi stol
27.11.2024-cü il tarixində Sabunçu rayonu Telman İsgəndərov adına 142 nömrəli tam orta məktəbin Psixoloqu Gülsarə Hüseynovanın təşkilatçılığı altında VIII sinif şagirdlərinin iştirakı ilə "Gənclər arasında ailə qurulmasına hazırlıqla bağlı!" adlı maarifləndirici tədbir keçirildi.Tədbirdə məktəbin direktor əvəzi Təhminə Mahmudova və təlim-tərbiyə işləri üzrə direktor müavini Şəhla Əmirova iştirak edirdilər.
Bu tədbirin keçirilməsində məqsəd ailə dəyərləri üzrə şagirdləri məlumatlandırmaq və "müasir ailə" anlayışının mahiyyətini düzgün çatdırmaqdır.Çünki, "ailə" elə bir cəmiyyətdir ki,onun kiçik olmasına baxmayaraq, dövlətimizin gələcəkdə güclü və qüdrətli olması bundan asılıdır.Ailə dəyərlərinin olmadığı dövlət heç vaxt güclü və qüdrətli ola bilməz! Ona görə də hər bir şagird ailə dəyərlərinin mahiyyətini bilməli və hər zaman bu dəyərlərə sadiq qalmalıdır.Ailə hər bir gəncin həyatında gələcək başlanğıc rolunu oynayaraq,inkişafına xidmət edir.Ailə dəyərlərimiz müqəddəsdir!
