Zərifə xanım Əliyevanın anadan olmasının 93-cü ildönümü qeyd edildi
Aprelin 28-də Sabunçu rayonu, Telman İsgəndərov adına 142 saylı tam orta məktəbdə görkəmli oftalmoloq alim, akademik Zərifə xanım Əliyevanın anadan olmasının 93-cü ildönümü qeyd edildi. Tədbirdə giriş sözü ilə çıxış edən məktəbin direktoru Gülnaz Abdullayeva sədaqətli ömür-gün yoldaşı, mehriban və qayğıkeş ana olan, milli-mənəvi və yüksək əxlaqi dəyərləri varlığında təcəssüm etdirən görkəmli oftalmoloq alim, akademik Zərifə xanım Əliyevanın mənalı ömür yolundan danışdı. Zərifə xanım Əliyevanın mənalı ömür yolunu və elmi fəaliyyətini əks etdirən videoçarx nümayiş etdirildi.
