2 Fevral- Gənclər Günü qeyd olundu
2 Fevral Azərbaycanda Gənclər Günü kimi qeyd olunur. Bu münasibətlə Sabunçu rayonu Telman İsgəndərov adına 142 nömrəli tam orta məktəbdə "Dəyirmi masa" keçirildi. Tədbirdə çıxış edən 10-11-ci siniflərin fəal şagirdləri bu günün 1997-ci ildə Ulu Öndər Heydər Əliyevin sərəncamı ilə təsdiq olunduğunu qeyd etdilər.
Heydər Əliyev gəncliyə böyük diqqət və qayğı göstərirdi. Gənclər günü MDB məkanında və Şərqi Avropa ölkələri arasında ilk dəfə olaraq Azərbaycanda qeyd olunub. Dünyada yalniz 1998-ci ilin avqustun 8-dən 12-dək Lissabonda keçirilən Konfransda BMT-nin qərarı ilə avqustun 12-si Gənclər günü elan edilmişdir.
Gənclər "Dəyirmi masa"da Azərbaycan Respublikasının Prezidenti İlham Əliyevin gənclərə göstərdiyi qayğıdan, daima onların yanında olmasından, onlara böyük inam bəslədiyindən danışdılar.
