Pedaqoji şuranın iclası keçirildi
Pedaqoji şuranın illik Fəaliyyət Planına uyğun olaraq yanvarın 30-da 2023/2024-cü tədris ili üçün I yarımilin yekunlarına həsr olunmuş növbəti pedaqoji şura iclası keçirildi. İclasda gündəlikdə duran məsələlər ilə yanaşı məktəbin illik Fəaliyyət Planında müəyyən olunmuş hədəflərin yerinə yetirilməsi üzrə işlərin daim diqqətdə saxlanılması vurğulandı. Həmçinin, BŞTİ tərəfindən 6, 7 və 9-cu siniflərdə keçirilmiş monitorinqin nəticələri pedaqoji heyətin diqqətinə çatdırılmışdır.
I yarımilin yekunları müzakirə edildi. Zəif nəticə göstərən şagirdlərlə işin təşkili barədə müəyyən məsləhətlər verildi. Bununla yanaşı 2023 - 2024- cü dərs ilinin birinci yarımilində məktəbin və şagirdlərinin qazandığı nailiyyətlər pedaqoji heyyətin nəzərinə çatdırıldı.
