"Beynəlxalq Ana günü"nə həsr olunmuş tədbir
20.02.2023-cü il tarixdə
Xətai rayonu 138 nömrəli tam orta məktəbin 8a sinfində məktəbin Azərbaycan dili və ədəbiyyat müəllimi Qəmərxanım Cavadovanın Beynəlxalq Ana Dili Gününə həsr edilmiş açıq dərsi keçirilmişdir. Şagirdlər Beynəlxalq Ana Dili Gününün yaranması tarixindən danışmış, ana dili haqqında şeirlər söyləmiş, kompozisiya , stend və slaydlar hazırlamışlar. Həmçinin Ana Dili Gününə həsr olunmuş videosüjetlərə baxılmış, mahnılar dinlənilmişdir. Dərsin sonunda məktəbin tərbiyə işləri üzrə direktor müavini Siman Xudiyev çıxış edərək, müəllimə və şagirdlərə təşəkkür etmiş, onlara yeni uğurlar arzulamışdır.
