ŞAN VƏ ŞƏRƏF DOLU İSTİQLAL TARİXİMİZ...
106 il bundan əvvəl- 1918-ci il mayın 28-də Azərbaycan Xalq Cümhuriyyətinin yaradılması ölkəmizin həyatına böyük tarixi hadisə kimi daxil oldu. Müstəqil, azad, demokratik respublika qurmaq məqsədini qarşıya qoyan Azərbaycan Xalq Cümhuriyyəti cəmi 23 aylıq fəaliyyəti dövründə xalqın milli mənlik şüurunu özünə qaytardı, onun öz müqəddəratını təyin etməyə qadir olduğunu nümayiş etdirdi.
24 may 2024-cü il tarixdə Azərbaycan Xalq Cümhuriyyətinin 106, Cümhuriyyətin banisi Məhəmməd Əmin Rəsulzadənin 140 illik yubileyi ilə əlaqədar "Şan və şərəf dolu istiqlal tariximiz" adlı ümumməktəb tədbiri keçirildi. Tədbirdə dahi şəxsiyyətin doğma Azərbaycanın istiqlal mübarizəsinə bir ordudan daha çox xidmət göstərdiyi vurğulandı.
