133 nömrəli tam orta məktəb

Beynəlxalq "WILLIAM SHAKESPEARE" ingilis dili olimpiadası Cambridge University tərəfindən təsis edilmiş Beynəlxalq səviyyəli Cambridge English proqramı əsasında təşkil edilən bir olimpiadadır. Hər il minlərlə şagird Cambridge English proqramı əsasında hazırlaşır və imtahanda iştirak edib sertifikat əldə edirlər. Məhz bu sertifikat şagirdlərin gələcək karyeralarına, dil biliklərinə, xarici universitetlərə qəbuluna bir başa dəstək verir.
Məktəbimizin şagirdləri 1ci yer : Cəlilzadə Nüşabə 10 A. 2ci yer : Məmmədzadə Nərmin 9A. 2ci yer : Ağasoy İşılay 2 A. 2ci yer: Ömər Əli 2 C 3cü yer: Ədilov Tural 6A. Həvəsləndirici : İsmayıl Sevil yerin qalibləri olmuşlar və final mərhələsində iştirak hüququ qazanmışlar. Qeyd edək ki, final mərhələ 14-18 iyun 2024 tarixlərində keçiriləcəkdir. Şagirdlərimizin uğur qazanmalarında məktəbimizin  rəhbəri Mehriban Alşanovanın ,ingilisdilli müəlliməsi Aytən Xudainin  xüsusən də, məktəbimizin müəllimi Könül Quliyevanın çox böyük dəstəyi olmuşdur. 
Əldə edilmiş qələbə üçün şagirdlərimizi  və məktəb kollektivini təbrik edirik.

Bu gün dünyanın inkişaf etmiş əksər ölkələrində dövlət tərəfindən aparılan mübarizələrdən biri də insan alverinə qarşı mübarizədir. Qeyd edək ki, insan alverinə qarşı mübarizə ölkəmizdə də geniş vüsət alıb. Bununla bağlı respublikamızda hüquqi-normativ baza müəyyən edilib. Ölkə prezidenti cənab İlham Əliyevin müvafiq sərəncamına əsasən "Azərbaycan Respublikasında insan alverinə qarşı mübarizəyə dair 2020-2024-cü illər üçün Milli Fəaliyyət planı" təsdiq edilib. 
Sözügedən mövzu ilə bağlı məktəb psixoloqu E. Nuriyeva bu gün yuxarı sinif şagirdləri ilə Traffikinq - insan alveri barəsində təlim apardı. Təlimdə insan alveri probleminin mahiyyəti, ondan qorunmağın yolları barədə ətraflı məlumat verdi.

Məktəbimizin təsviri incəsənət müəllimi Həcər Qeybullayeva bahar fəslinin gəlməsi münasibəti ilə "Çiçəklənən gələcək" adlı sərgi təşkil etdi. Sərgidə iştirak edən şagirdlərə müxtəlif surprizlər edib,  onları sevindirdi.

Mayın 1-dən 2024-2025-ci tədris ili üzrə ümumi təhsil müəssisələrinin birinci siniflərinə şagird qəbuluna start verilir. Qəbul prosesi www.mektebeqebul.edu.az portalı vasitəsilə aparılacaq.

Elektron portalda 1 may saat 11:00-dan uşaqların qeydiyyatı, 3 may tarixindən isə Azərbaycan bölməsi üzrə sorğuların yerləşdirilməsi (məktəb və müəllim seçimi) həyata keçiriləcək.

Mayın 3-dən 17-dək dövlət ümumi təhsil müəssisələrinin tədris digər dillərdə aparılan birinci siniflərinə qəbulla bağlı təşkil olunan müsahibəyə yazılmaq üçün qeydiyyat aparılacaq. Müsahibələr 7–30 may tarixlərində keçiriləcək. Müsahibədən uğurlu nəticə əldə edən uşaqların valideynləri 12 iyun–13 sentyabr tarixlərində məktəb və müəllim seçimi edə biləcəklər.

Birinci sinfə qəbulla bağlı digər suallarınıza müvafiq linkə daxil olaraq cavab əldə edə bilərsiniz.

Birinci sinfə sənəd qəbulu 13 sentyabr tarixinədək davam edəcək.

Şirvanşahlar sarayı - XV əsrdə Şirvanşah İbrahim Xəlilullahın dövründə tikilmiş saray kompleksidir. Bakının mərkəzində, içərişəhərdə yerləşən saray kompleksi Yaxın Şərqin ən görkəmli memarlıq abidələrindən biridir. 1964-cü ildən muzey - qoruq kimi fəaliyyət göstərir və dövlət tərəfindən mühafizə olunur. 
Məktəbimizin 4b sinif şagirdləri və onların valideynləri sinif müəllimi Roza müəllimənin təşkilatçılığı ilə Şirvanşahlar sarayına ekskursiyaya getdilər. Şagirdlər bu qədim abidənin tarixi ilə tanış oldular. Sarayın əzəməti balacaların marağına səbəb oldu.