"Bilik Günü"
15 sentyabr hər bir müəllim, şagird, tələbə və təhsil sahəsində çalışan işçilərin səbirsizliklə gözlədikləri bir gündür. Bu gün ən çox məktəb həyatına qədəm qoyan birincilər üçün ən yaddaqalan gündür. "Bilik Günü" məktəbimizdə təntənəli qeyd edilib. Tədbir Azərbaycan Respublikasının Himni ilə başlanıb. Azərbaycan torpaqları uğrunda canlarından keçən şəhidlərimiz bir dəqiqəlik sükutla yad edilib. Məktəbin direktoru Samirə Əliyeva prezident cənab İlham Əliyevin təhsilə göstərdiyi qayğılardan danışıb. Daha sonra o, müəllim və şagirdləri 2023-2024-cü tədris ilinin başlanması münasibətilə təbrik edərək, müəllimlərə işlərində, şagirdlərə isə dərslərində uğurlar arzulayıb. O həmçinin məktəbin gülü-çiçəyi olan birinciləri və onların valideynlərini də təbrik edib. Samirə Əliyeva ilk dərsin "Heydər Əliyev Azərbaycanın xilaskarı və qurucusudur" mövzusuna həsr olunduğunu qeyd edib. Sabunçu rayon İcra Hakimiyyətinin nümayəndəsi Abbas Zeynallı qonaq qismində iştirak edərək bütün şagirdləri yeni tədris ili münasibətilə təbrik edib.
Şagirdlər ilk zəngin sədaları altında çoxdandır onları gözləyən doğma sinif otaqlarına daxil olublar. İlk dərs ümummilli lider Heydər Əliyevə həsr olunub.
#Salamməktəb#
