Məktəbdə Son zəng tədbiri keçirilib
Bütün ümumtəhsil məktəblərində olduğu kimi məktəbimizdə də Xl sinif şagirdlərinin iştirakı ilə "Son zəng" tədbiri keçirilib. Tədbirdə 23 məzun, Sabunçu rayon Nardaran kənd Bələdiyyəsinin nümayəndəsi, kənd ağsaqqalı və Sabunçu rayon İcra Hakimiyyəti nümayəndəsi qonaq qismində iştirak ediblər. Məktəbin direktoru Samirə Əliyeva tədbir iştirakçılarını salamlayaraq tədbiri açıq elan edib. O, məzunlara xoş arzularını diləyərək, onları "Son zəng" münasibətilə təbrik edib. Məzunlar da öz növbələrində məktəbə, müəllimə həsr olunmuş şeirlər, mahnılar söyləyib, rəqslər edərək son zəng sədaları altında məktəb və müəllimlərlə vidalaşıblar.
